ئایا تورکیا دەستی دەگاتە فڕۆکەی F-35 ی ئەمریکا؟
ئایا تورکیا دەستی دەگاتە فڕۆکەی F-35 ی ئەمریکا؟
*********
سەنتەری توێژینەوەی ڕووگە
تورکیا ساڵانێکە هەوڵی گەیشتن بە فڕۆکەی شەڕکەری پێشکەوتووی ئەمریکا دەدات بەڵام واشنتن تێبینیی هەیە و ئەوەش بۆ گرێبەستێکی سەربازیی نێوان ئەنکەرە و ڕووسیا دەگەڕێتەوە.
تۆم باراک باڵیۆزی ئەمریکا لە ئەنکەرە ڕایگەیاندووە کە تورکیا دەیەوێت واز لە سیستەمی بەرگریی S-400 ی ڕووسیا بێنێت و ئەمەش وا دەکات بتوانێت فڕۆکەی شەڕکەری پێشکەوتووی F-35 لە ئەمریکا بکڕێت.
سیستەمی بەرگریی S-400 ی ڕووسیا، بووەتە خاڵی گرنگی ناکۆکی لە نێوان تورکیا و ڕێکخراوی سەربازیی ناتۆ و ئەنکەرە ناتوانێت فڕۆکەی شەڕکەر لە ئەمریکا بکڕێت.
تورکیا سەرجەم کەرەستە و پێداویستییەکانی سیستەمی بەرگریی S-400 ی ڕووسیای لایە بەڵام کەڵکی لەوان وەرنەگرتووە.
باڵیۆزی ئەمریکا لە تورکیا ڕایگەیاندووە کە ئەم پرسە لە ماوەی 6 مانگی داهاتوودا یەکلایی دەکرێتەوە.
تورکیا زیاتر لە دە ساڵە سیستەمی بەرگریی S-400 ی ڕووسیای کڕیوە و ئەمەش بووە هۆی بەلاوەنانی لە پلانی کڕینی فڕۆکەی شەڕکەری پێشکەوتووی ئەمریکا و سەپاندنی سزای واشنتن لە دژی کۆمپانیا سەربازییەکانی ئەم وڵاتە.
ناتۆ ڕایگەیاندووە کە ئەگەر تورکیا هاوکات لە سیستەمی بەرگریی S-400 ی ڕووسیا و فڕۆکەی شەڕکەری F-35 کەڵک وەربگرێت، ڕووسیا دەستی بە زانیارییە هەستیارەکان دەگات./.
